Ua toe malaga ese ma Samoa se vaalele laitiiti e faia malaga a se kamupani i Amerika, sa togipau e ni tagata tafafao poo tulisi o ni milionea i Amerika ona o le latou tafaoga mai i Samoa mo le umi e 6 aso.
O le afea o le malaevaalele faavaomalo i Faleolo e lea vaalele ma paka ai e faatali le mae’a o le tafaoga ona toe malaga ai lea o tulisi mai Amerika, ua faailoa mai ai e le minisita o galuega tetele ma vaalele sivili fetusia’iga i le va o le kamupani e ana le vaalele ma le matāgaluega o galuega tetele i le vaega o vaalele sivili e pei ona sa talosaga ai i se faatagaga e tulaueleele ai i Samoa.
O le faamatuu atu o le pemita na mafua ai ona afea lo tatou atunuu, peita’i o le tu ai o le vaalele i le 6 aso sa fesiligia ai le mafua’aga o le sau i Samoa o le vaalele, ma fesiligia ai foi poo ai na malaga mai ai.
O se vaega lenei o le talanoaga ma le Minisita tausi o vaalele sivili e tusa o le malaga mai o lea vaalele.
O se vaega o le faatalanoaga ma le tofa Olo Fiti Afoa Vaai o le Minisita o le malo tausi mo galuega tetele ma vaalele sivili.
