O le a mafai nei ona agai tagata i faletalavai mo le vaccine pass ao lumanai ai le amataina ole traffic light covid protection framework ile vaiaso fou, Ua taua i tala mai le Newstalk ile aoauli nei ua faaalia ele matagaluega o le Soifua Maloloina ua silia male 2 miliona My Vaccine Pass ua mafai ona faamatuu atu ile atunuu ma ona o le tele o le manaoga, lea ua faataga ai loa isi options poo avanoa e mafai ona maua e tagata a latou My vaccine Pass.
O le tusipasi lea o tui puipui e tuuina ane mai le malo o Niu Sila, o se pepa aloaia o faamaumau ai tulaga o tui puipui ole tagata mo le faamai koviti 19. O lea pepa poo le tusipasi e manaomia ina ia e ulufale ai I nofoaga e pei o faleaiga, komiuniti ma taaloga efaia atoa ai foi ma faapotopotoga tau talitonuga poo lotu pe afai ae agai le atunuu e faaaoga le Covid 19 protection Framework.
Taua e le malo ua faaaopoopo ai foi ma le aofai o tagata faigaluega e taliina telefoni a le atunuu ile helpline, faapea foi ma se avanoa e faaaoga ai le pusa meli ma totonu o faletalavai ile atunuu atoa. Ua faailoa foi ilea lipoti ua silia ma le 50 pasene o tagata Niu Sila ua maea ona faia uma tui puipui o le faamai, ua maea foi ona tuuia iai a latou tusipasi ma ua faailoa e I latou o loo faatautaia lea auaunaga ua sologa lelei lava le faatinoina o lea matafaioi.
