E faafetaia le agalelei o se tasi o tagata ese na mafai ona faasaoina maia le soifua o se tasi o alii na tafea i le Kawarau River i Queenstown i le aoauli ananafi.

E toatolu alii na agai mo taelega i le vai ma e lei leva ae tafefea loa, ma o le toalua na mafai ona vave maua i autafa o le vai o loo mau ai, ae o le toatasi na fesoasoani iai se tasi o tagata na iloa ane.

Ona o le malosi o le aave o le vai o lea na oo ane ai ma le helikopa e fesoasoani, ma e faafetaia na vave laveaiina a o lei oo tele i le vaega o loo matuai malosi tele ai le aave o le vai.

Ua toe augani mai ai leoleo i tagata o loo agai i le vai mo taelega e suesue muamua ma ia mautinoa o loo saogalemu mo taelega, ma ua faafetaia ai foi i latou na vave ane ma fesoasoani i alii e toatolu a o tauvalaau ane ai e moomia se fesoasoani.