Ua momoli le faafetai a le afioga Tuala Toiaivao Tevaga Iosefo Ponifasio i le Ao o le Malo ma lana Masiofo, le Palemia ma le Kapeneta o le malo tausi aemaise le aufaigaluega a le malo i le lagolagoina o lona tauaveina ai o le tofi Sui Palemia ma le Minisita o le Matāgaluega o Tiute ma Tupe Maua, aemaise le ofisa tausi mavaega ma le ofisa o le su’etusi sili a le malo.
O lana faafetai foi ua momoli i lona itumalo o Gagaemauga 1 ona o le faatuatuaina o lona tagata i le paea’iga 17 a le Palemene sa ia tauave ai le tofi faipule.
O lana saunoaga faalaua’itele i auala o fesoota’iga televavave sa ia momoli ai foi ma faamanuiaga i le sui filifilia ua tauveina le tofi o Gagaemauga 1 i le paleaiga fou 18 a le Palemene.
Le afioga i le Sui Palemia o le malo tausi, afioga Tuala Toiaivao Tevaga Iosefo Ponifasio.
