Ua lipotia mai nei le lata i le 40 malu o le malo Niu Sila ua aga’i i Ausetalia i le mae’a ai o se faalauiloa poo le recruitment drive na faatautaia e leoleo Ausetalia i totonu o Aoteraoa nei. 

Faamauina i lipoti mai le leitio faavaomalo o Niu Sila, i faalauiloa nei na faailo ai, e oo atu lava i le $137,000 le totogi e ono maua e le leoleo e to’atasi a o le’i faia le lafoga o totogi poo le pre-tax, ae $1,000 Ausetalia le seleni e maua i le ova taimi. 

Mo le alii ma le tama’ita’i leoleo o se constable o loo galue i totonu o teritori i Mātū o Ausetalia, $111,000 nai lo o le $83,000 o loo maua e le leoleo iinei i Niu Sila. 

O le tasi o vaega o loo tele ina lilifa iai le tilotilo a le ‘aufaigaluega o le penefiti lea o le maua o fesoasoani mo fale e nonofo ai i le malaga atu ai i Ausetalia.

E pei ona maua ai e le tagata le $31,791 tālā Ausetalia. 

Ta’ua i lipoti i le taimi nei ua 36 i latou ua faamaonia le taliaina o ofa mai Ausetalia, 17 i latou ua mae’a a’oa’oga poo trainings ma ua malaga mo galuega i Ausetalia, ae o le 19 ua amatalia le isi vaega o a latou a’oa’oga.

Puna o Faamatalaga: https://www.rnz.co.nz/news/national/570252/police-recruitment-drive-sees-dozens-of-cops-head-to-australia