O Sagaga 2, Falealili 2 ma Falealili 1 o nisi ia o itumalo ua mae’a sainia e ta’ita’ifono a o latou Fono Faavae maliega ua faamautū ai lo latou lagolagoina o le fesoasoani a le teugatupe a Malo Aufaatasi o le UN Trust Fund i se faigāpaaga ma le Toomaga mo ē Puapuagatia, e faatino ai polokalame e tetee atu ai sauāga faasaga i tama’ita’i ma fanau.

O tamalii sa avea ma faipule o ia itumalo e tolu sa latou sainia le maliega i le amataga o le vaiaso nei.

O le tasi o vaega tāua o le fesoasoani lenei o le una’ia ai o le itupa o tinā ma tama’ita’i ia siitia le atina’e manuia o nuu ma aiga i le itu i le ta’ita’iga.

O le itumalo o Anoamaa 2 na muamua sainia lea maliega i le vaiaso ua mavae.