E 16 taavale tineimu na faanatinati atu e tali i le faalavelave o loo tula’i mai i le faleoloa o le New World i Victoria Park i le asō.
O loo aofia ai ma fesoasoani o taavale tineimu mai faaitu o Devonport, Titirangi ma Papatoetoe.
Na faaopoopo atu ai ma ni taavale tetele se lua e ta’ua o le aerial trucks e taumafai e tapē le afi mai le pito i luga o le fale.
Ua fautuaina ai le mamalu femalagaa’i ina ia ‘alofia le aga’i atu i lea faaitu o loo tapunia foi auala mai le uia.
Na molimauina le sasao a’e o le ausa ma ua aafia ai faaitu o Ponsonby aga’i i Grey Lynn.
Ma ua fautuaina tagatanuu o loo alala i nei faaitu ina ia tapunia faamalama ma faitotoa mai le ono aafia i le ausa.
