E tolu tausaga ua faaopoopo atu nei i le konekarate a le alii taalo lakapi Samoa ia Patrick Tuipulotu e taalo ai i lalo o le faamalu a le Iuni Lakapi a Niu Sila, mo le ‘au tele a le atunuu le All Blacks ma le ‘au a le Blues.
O se tala fiafia lea mo le alii taalo, ma e ta’ua o Patrick o se alii ua iloga foi lana tautua i le taaloga i le atunuu.
I tala’aga i le olaga taalo a lea alo o Samoa mo le Iuni Lakapi a Niu Sila, ua 51 ana taaloga mo le All Blacks, ma ua silia ma le 100 ana taaloga mo le ‘au a Aukilani le Blues talu mai le tausaga e 2014.
Na kapeteni e lea alii le ‘au a le Blues i le taamilosaga o le Super Rugby Pacific 2024, e pei ona latou manumālō ai i le siamupini, o le faato’ā toe manumālō ai lea o le ‘au talu mai le 21 tausaga ua te’a.
Ua faaalia le mata’ina o le taalo a Patrick ma e maualuga foi le vaai ma le tilotilo i ana taumafaiga i le taaloga lakapi i totonu o Niu Sila.
Puna o Faamatalaga: https://www.rnz.co.nz/news/sport/562495/blues-and-all-blacks-lock-patrick-tuipulotu-re-commits-to-nz-rugby
