E le’i atoa se vaiaso talu ona tuumalo le alii pese ia George FIJI Veikoso, ae o lea ua tuuina mai se pepa o faamatalaga aloa’ia mai le aiga o Fiji, FAMILY AND ESTATE e faailoa mai ai tulaga ua aga’i iai le to’atele e faatino.
O lenei pepa o faamatalaga o loo faamauina ai e lē o iai se faatagaga e mafai ai e se tasi, o se faalapotopotoga poo se isi lava ona tuufaatasia, fausia ni oloa e faaaogā ai le ata, o pese ma galuega a Fiji, e fai ma faamanatu, ma sa’afi ai le alii pese.
E pei ona faaupuina i le tusi, “We wish to respectfully inform the public that no individual, brand, group or entity has been authorized or granted permission to create, produce, manufacture, sell or distribute any tribute merchandise bearing the image, likeness or name of our beloved George FIJI Veikoso.”
Ua ta’ua e sui o aiga a George Veikoso, o le vaega o loo faaalia o latou atugaluga ma le lē fiafia ona ua pei ua faaaogā e le to’atele le tuumalo o le alii pese lauiloa ma auala e faatauina atu ai oloa i tagata e faalogologo i pese a Fiji.
Faamanino e le Aiga ma le Estate o loo iai lava oloa ua mae’a tuufaatasia e le alii pese ma lana vaega ma o le a maua i se taimi o i luma, ae ua fautuaina i latou o loo faia tulaga o le faia o oloa ae faatau atu e faaaogā ai galuega ma foliga o Fiji ina ia tuu nei loa.
Puna o Faamatalaga: https://www.facebook.com/share/p/1GvXCe3DyK/
