O le faigāmalaga a le Palemia o Isaraelu o Benjamin Netanyahu i Amerika e ese se isi ālavaa na ia uia ona o se taumafaiga e ‘alo ese mai atunuu e ono faia ane ni sā pe faamalosia foi le poloa’iga o le pu’eina o ia e pei ona tuua’ia ai i moliaga tau soligatulafono o taua.
Ta’ua e le CNN, na aga’i ese mai Netanyahu ma Tel Aviv i le Aso Lulu o le vaiaso nei ina ia talanoa atu i le UN General Assembly ma feiloa’i atu i le Peresetene o Amerika, Donald Trump.
Fai mai o lana faigāmalaga sa le’i uia ai i le ala masani o feoa’iga peita’i na ui atu i se isi ālavaa e ‘alofia ai atunuu e pei o Farani ma Sepania o lona uiga ua umi atu lana faigāmalaga.
E lē o faailoaina e le ofisa o le Palemia le māfua’aga ua faia ai lea tulaga ae o loo tālia sa latou faamatalaga.
O loo iai le poloa’iga mai le faamasinoga o soligātulafono faavaomalo le International Criminal Court le ICC, e pu’eina ai Netanyahu ona o tuua’iga faasaga ia te ia ma taua o loo aofia ai, peitaʻi o Isaraelu ma Amerika e lē o ni sui o le ICC.
Puna o Faamatalaga: https://edition.cnn.com/2025/09/25/middleeast/netanyahu-flight-war-crimes-intl
