E to’afitu tagata mai Egelani ma Sikotilani ua molia i moliaga faatatau i faiga faatupu faalavelave ona o le tuufaatasiga o solo tetee ma le faia o fonotaga i luga o le zoom ua feta’ua’ina e iai sootaga ma le kulupu a le Palestine Action e pei ona faailoa mai e leoleo.
Lipotia e le CNN o moliaga e pei ona feta’ua’ina o i latou ia e faatatau i le taumafai e tuufaatasia se solotetee e lagolago ai i le Palestine Action group i totonu o Lonetona, Manchester ma Cardiff aemaise o nisi o faapotopotoga i le Aso Toonai nei i Lonetona.
Ua faailoa e leoleo e aofia foi i moliaga le faia o fonotaga i luga o le zoom.
O le faia la o moliaga o le to’afitu lea ua ta’ua i lipoti ua atili lē fiafia ai le to’atele ma faailoa ai e lē taofia e se isi i latou mai le auai i solo tetee i le faai’uga o le vaiaso.
E silia ma le 700 tagata ua pu’eina e leoleo ma le 114 ua faia iai moliaga i le mae’a o le isi foi solo tetee na faia i le masina talu ai o Aokuso.
Puna o Faamatalaga: https://edition.cnn.com/2025/09/04/europe/palestine-action-london-terrorism-arrests-intl-hnk
