Ua sauni le amataga o le Ipu a le Lalolagi i le lakapi a Tama’ita’i i le aso a taeao lea e talimalo ai Egelani.
Fai mai e iai ‘au fou o le tausiniōga i lenei tausaga ma se isi foi vaaiga fou i le taaloga a le itupa o tama’ita’i ma e 16 ‘au ua faamautūina o le a auai i lea faamoemoe e amata i le aso 22 o Aokuso aga’i atu i le aso 27 o Setema.
O le taimi nei o Niu Sila o loo iai le siamupini mai le Ipu o le Lalolagi talu ai.
Ua faamaonia mai e organisers ua silia i le 375 afe tickets poo pepa matamata ua mae’a faatauina lona uiga ua faatoluina le aofa’i sa iai i taaloga o le 2022.
O le finals ua fuafua e faia i Twinkeham ua mae’a faatauina uma tickets e 82 afe.
O le ‘au fou i le taamilosaga o Brazil ma o le a fou foi le ipu o le a tausiniō iai tama’ita’i i lenei tausaga.
O pulu ua vaevaeina iai ‘au:
Pulu A – Egelani, Ausetalia, Amerika, Samoa.
Pulu B – Kanata, Sikotilani, Wales, Fiti.
Pulu C – Niu Sila, Aialani, Iapani, Spain.
Pulu D – Farani, Italia, Aferika i Saute, Brazil.
Puna o Faamatalaga: https://www.rnz.co.nz/news/sport/570688/women-s-rugby-world-cup-what-you-need-to-know
