E ui i le tele o faafitauli ma faigatā o loo fetaia’i ma tagata o le itumalo o Mackenzie i itu o tagata tafafao atu, ae ua o latou faaalia e ala i su’esu’ega poo se survey e lelei le iai o tagata tafafao atu i le aai ma i lo latou tilotilo e telē le avanoa e siitia ai tulaga pe a tata’i atu turisi i lo latou itumalo.
I faamaumauga o le su’esu’ega mai le puleganuu a Mackenzie, ua faamauina ai o le 92% o tagatānuu o le itumalo na faamatalaina le lelei o le vaaia o turisi ma le iai o tagata e tafafao atu i lo latou faaitu.
E 87% na māua ua tele faamanuiaga ua o latou mauaina mai lea foi vaega o alaga’oa, o tagata tafafao atu.
Ae ui o se lelei o le iai o lea vaega mo le tamaoaiga ua faaalia foi i lea su’esu’ega e 99% tagata na faaalia o latou aafiaga i lea lava vaega o tagata tafafao atu i totonu o le itumalo.
Faaalia e pulenuu o lea faaitu ia Karen Morgan, ua faamanino mai lava i le su’esu’ega vaega o loo feagai ma tagatānuu; o loo lagolagoina e le lautele tulaga o le siitia ai o le iai o turisi ma le tele o galuega a o pisinisi mo lea alaga’oa ae o loo feagai ma faafitauli o loo moomia le galulue aga’i iai e fo’ia, e pei o galuega tetele poo le infrastructure.
Ta’ua e le Pulenuu, o loo moomia le fesoasoani a le malo e faatupeina le tele o nei galuega tetele e pei o aualatele, o nofoaga e paka ai taavale ma falelēta’ua (tulou) i nofoaga faitele. .
Faamanino e le pulenuu ia Karen Morgan, o loo moomia le faia o se galuega i le Lake Taupo, ina ia iai se vaega e faamamāina lelei lea itu mai otaota lafoa’i wastewater treatment e fesoasoani i le to’atele o tagata e aga’i i Lake Taupo.
E oo atu lava i ele 47miliona le tau o lea galuega, ma i lana tilotilo iai, e lē gafatia e tagatānuu o le itumalo ona faatupeinanei galuega tetele.
E tele lava vaega ua faaalia le moomia ai o le fesoasoani, ae o loo manino lava le tālia ai e le itumalo o Mackenzie o le atina’e ai o tulaga o turisi i le itumalo.
Puna o Faamatalaga:
