O le faamaonia e le faamasinoga o tuua’iga i le le agavaa o nisi o sui tauva sa lesitala e fia tauva i tofi o itumalo i le Palemene, ua faaalia ai e le Komesina o faigāpalota i le fono ma tusitala i lenei vaiaso, o loia, ma sui o nuu faapea faifeau, o le latou matāfaioi e tusa o aiaiga o le tulafono o faigāpalota o le faamaonia o le monotaga i le nuu ma le monotaga i le lotu.

O le pitolaau a le ofisa o faigāpalota ua na o le siaki lava o pepa faatumu po ua faamalieina ia aiaiga.

O se tasi lea o tapenaga ua faaalia e le Komesina o faigāpalota e ao ona toe silasila lelei iai, pe a toe faia se iloiloga o le tulafono o faigāpalota.

Le Komesina o faigāpalota, afioga Toleafoa Tuiafelolo Alexander John Stanley.