Ua amata nei fuafuaga a le sui minisita o A’oga, David Seymour o le faatulaga ai o ni faasalaga tupe, e faia faasaga i mātua o fanau e lē o avea fanau i a’oga.

I lipoti ua faamauina le ono oo atu lava i le $3,000 lea faasalaga pe a lē avea fanau i a’oga.

Ua ta’ua ai foi le fetuuna’i ai ma le Matāgaluega o Faamasinoga i le faatino ai o ia faasalaga.

O le a faamalosia lea vaega i mātua uma se’i vaganā ai ua tuuina atu se tusi aloa’ia e faamatala ai se aafiaga faalesoifuamālōlōina ua lē auai ai le tamaitiiti.

I faamaumauga na ta’ua ai o le 10% o fanau e lē o a’oa’oga mo le 15 o aso pe sili atu foi.

Puna o Faamatalaga: https://www.newstalkzb.co.nz/on-air/mike-hosking-breakfast/audio/david-seymour-associate-education-minister-on-the-fines-parents-of-absent-students-could-face/