E ono oo atu i le tausaga fou ua faaluaina rates e totogi e tagata Aukilani, a o vaavaai ai pea le Council i nisi auala e maua ai tupe maua.
O le amataga o le tausaga nei na tuu ai i luga e le Auckland Council rates i le 7.7%, ma o se tasi o itu na faia se’i tau faatumu ai le ava e $325 miliona o le paketi.
Peitai, e lē o lava i le silasila a le Council ma ua vaavaai ai e toe sii rates i le tausaga a sau ma fai mai ai o le 13.75% lea o loo mafaufau e amata mai ai le maualuga o le siitaga.
O se matuai maualuga tele lea ma ua taugata tele e tusa ma molimau a nisi o tagata Aukilani na mafai ona faaali finagalo i tala a le leitio a Niu Sila.
A faaliliu tupe i siitaga o rates ua iai nei le 7.7% lea o loo totogi e le tagata e iai lona fale e tusa lea ma le $253 le faaopoopo i le tausaga, ma afai nei ae sii i luga i le 13.75% i le tausaga fou o lona uiga o le isi $487 faaopoopo.
Ua fai mai ai Councillor Shane Henderson, e moomia e le Council a Aukilani le toe silasila toto’a i le siitaga ua ta’ua mai.
