O taimi o pulegamalo i le ta’ita’iga a le susuga Tuilaepa Lupesoliai Sailele Malielegaoi a o avea ma Palemia, sa aofia ai le Fofoga Fetalai ma le Sui Fofoga Fetalai i le malo tausi poo le caretaker government ina ua faatā’ape le Palemene ae sauni mo palota aoao a le atunuu i le tausaga e 2016 ma le 2021.
Ua faailoa e le susuga Tuilaepa i le feiloa’iga ma tusitala e lē malamalama le tamaitai Palemia o le malo tausi e iai galuega a le Fofoga Fetalai ma le Sui Fofoga Fetalai.
Le ta’ita’i o le vaega faaupufai e puipuia aiātatau a tagata sa avea ma Palemia le susuga Tuilaepa L Sailele Malielegaoi.
O le feiloa’iga a tusitala ma le tamaitai Palemia i le Aso Lulu ua mavae na ia faailoa ai, ua ave le matāupu lenei i le Loia Sili mo se fautuaga faaletulafono.
