O faauluuluga o ofisa o leoleo i le Pasefika o loo latou faatalanoaina faafitauli e faatatau i le feavea’iina o fualaau faasāina i le Pasefika i le fonotaga a le lalolagi o loo faia i Dubai, le World Police Summit.

O lea fonotaga o loo faagasolo i le taimi nei ua aofia ai polokalame faalea’oa’oga ma ni faaaliga ma faatalanoaga e faatatau i lea matāupu.

E tasi le mea ua mautinoa ua faaopoopo pea le faafitauli lea o le fualaau faasāina i le Pasefika.

Ua faailoa e sui auai o nisi ituaiga gaioiga ua faaaogā e i latou e fiafia e auai i nei soligatulafono ma ua faatāua ai ma ofisa e pei o le Pacific Transnational Crime Network ma le Pacific Policing Initiatives ma a latou auaunaga.

O i tonu o loo mana’omia ai le galulue faatasi o auaunaga faaleoleo i atunuu uma ina ia faasoa faamatalaga ma metotia e tali atu ai i le faatupula’ia pea o lea faafitauli i le Pasefika.

Puna o Faamatalaga: https://www.rnz.co.nz/international/pacific-news/561239/drug-trafficking-in-the-pacific-discussed-at-dubai-police-summit