O le airspace i luga ane o le malaevaalele e igoa o Aalborg i Denmark ua tapunia ina ua vaaia foi drones o feoa’i lalata ane i lea nofoaga.
Fai mai le CNN pe ā ma le tolu faigāmalaga na fuafua e aga’i atu i le malaevaalele lea na toe suia alavaa aemaise isi faigāmalaga e lua na faalēaogāina.
O loo su’esu’e nei e leoleo le matāupu lenei ma sa’ilia poo ai o loo faatonutonuina drones.
O le faalua ai lea ona vaaia lea tulaga i le malaevaalele lea i Denmark i totonu o le vaiaso ma ua faamalosia ai loa ona tapunia.
Na lipotia atu foi ananafi se tulaga foi faapea na vaaia i le malaevaalele i Copenhagen aemaise foi i le malaevaalele i Norway.
Puna o Faamatalaga: https://edition.cnn.com/2025/09/24/europe/denmark-aalborg-airport-closed-drones-latam-intl
