A ititii mai pe to’atolu ua fasiotia ma le 15 o loo manunu’a i se faalavelave i le itu i Saute i Sisifo o Colombia, fai mai lipoti e foliga o se osofa’iga na aga’i sa’o i leoleo a le atunuu.
Ta’ua e le CNN ua lapata’i ane leoleo e ono faaopoopo le aofa’i o tagata maliliu i lenei faalavelave a o faagasolo atu su’esu’ega.
O se vaega o le aai o Cali ma isi taulaga lalata ane na faalogoina ai le pa leotetele ane ai o mea ma le faamatalaga e faapea o leoleo lea sa taula’i mai iai ia osofa’iga.
Ua faamatala e le matāgaluega o le va i fafo a le atunuu o le osofa’iga lea o se osofa’iga faatupu faalavelave ma e manatu e iai sootaga o lea osofa’iga i le ta’ita’i o le kulupu tetee ua faaigoa Esado Mayor Central e ui latou te lē o faailoa ane o latou na faatinoina le osofa’iga.
E tele mea ua faaleagaina i le osofa’iga ma ua tupu mai lea faalavelave ae faato’ā na o ni nai aso talu ona fana e le tagata lē o loo finau mo le tofi Peresetene o le atunuu o Miguel Turbay a o faia ana campaign ma ua faamaonia mai o loo i se tulaga tigāina pea a o faagasolo ai le su’esu’ega i le isi faalavelave lea ua tula’i mai.
Puna o Faamatalaga: https://edition.cnn.com/2025/06/10/americas/colombia-cali-explosions-intl-latam
