O le vaa lea na sa’e i gataifale o Yemen ua maliliu ai tagata e 68 mai Aferika ma le 74 o isi o loo tau sa’ilia pea e pei ona faamaonia mai e le ofisa o Malo Aufaatasi e feagai ma tagata femalagaa’i.
O le faalavelave lea aupito lata mai ua maliliu ai nai tagata mai Aferika o loo sosola ese mai le mativa ma vevesi i lo latou atunuu ma sa’ili manuia atu ai i isi atunuu ia i le Atu Alapi.
Fai mai o lea vaa e 154 migrants mai Ethiopia na iai i luga ae na sa’e i le Gulf of Aden i le taeao o le Aso Sa.
O tino maliliu e 54 o nisi o nai ia tagata na tafetafea ane i le pa’umātū a o isi na maua ua maliliu ma ave atu ai i le falema’i i le itu i Saute o Yemeni.
E na o le to’a 12 na faasaoina mai lea faalavelave ae o loo tau sa’ilia pea isi ma masalomia ua maliliu uma.
O loo faia le su’esu’ega i le mafua’aga o le faalavelave.
Puna o Faamatalaga: https://edition.cnn.com/2025/08/03/americas/african-migrants-yemen-intl-latam
