O le Peresetene o Bazil o Luiz Inacio Lula da Silva ua toe tali ane i faamata’u a Trump e faatatau i tariffs, fai mai a ia o le Peresetene o Amerika na filifilia o le ta’ita’i o le malo tele ae lē o se Emeperoa poo se ta’ita’i o le lalolagi atoa.
O le vaiaso talu ai na faamata’u ane ai Trump ia Brazil e faatatau i tariffs e 50 pasene o le a faamamalu i le aso 1 o Aokuso.
Ta’ua e le Peresetene lea i lana faatalanoaga i le CNN o faamata’u a Trump ua see ese ma faiga faavae ma e lē tatau lava ona avea mea na tula’i mai i le tuana’i e avea o se vaega o faatalanoaga tau fefaataua’iga.
Fai mai le Peresetene o le lālā o le faamasinoga o loo tu mai le foe i Brazil e tuto’atasi.
Na ia faailoa foi o lē sa tula’i mai muamua i le tofi Peresetene o Jair Bolsonaro o se faauo a Trump, o loo feagai nei ma le faamasinoga e feta’ua’ina ai lona taumafai e faapa’ū le faigāmalo a Lula ma afai e faamaonia moliaga lona uiga e ono umi se taimi e falepuipui ai.
Puna o Faamatalaga: https://edition.cnn.com/2025/07/17/americas/trump-not-emperor-world-lula-intl
