O lē sa avea ma Peresetene talu ai o Brazil, o Jair Bolsonaro ua faamaonia ona moliaga o le taumafai e liliu le palota a le atunuu i le 2022 e ala i lona taumafai e faaoo le oti i le Peresetene filifilia ina ia ona maua ai le malosi’aga e pulea ai le atunuu.
E to’afā faamasino mai le to’alima sa feagai ma le matāupu, i le faamasinoga maualuga a Brazil, na palota ia faamaonia moliaga o Bolsonaro i moliaga uma e lima sa faia faasaga ia te ia ma faia ai ma le faai’uga e nofosala i le falepuipui mo le 27 tausaga ma le 3 masina.
Ua faailoa e le CNN o le aso 8 o Ianuari 2023 na osofa’ia ai e le ‘aulagolago a Bolsonaro fale o le malo ma faaleagaina meatotino lautele ina ua taumafai e ave faamalosi le pulega o le atunuu.
Ua 70 tausaga o Bolsonaro ma ua faailoa i le lipoti e mafai lava ona faila ana loia mo se apili peita’i afai e le manuia e foliga mai o le a nofonofo Bolsonaro i le falepuipui i le olaga atoa.
Puna o Faamatalaga: https://edition.cnn.com/2025/09/11/americas/brazil-jair-bolsonaro-coup-trial-verdict-latam-intl
