Ua faailoa e leoleo a Brazil o nisi o fe’au poo messages sa i luga o le telefoni a lē sa avea ma Peresetene o le atunuu o Jair Bolsonaro ua faailoa iai e iai le taimi na mana’o ai e sola i Argentina ma talosaga ai se fesoasoani tau polokiki mo ia.
O loo faatali i le taimi nei Bolsonaro mo se faai’uga mai le Faamasinoga Maualuga a le atunuu e faatatau i se taumafaiga e faato’ilalo pulega a le atunuu ae e ono iai foi ma se isi matāupu sa tuua’ia ai foi o ia ma se tasi o ona atalii i le taofia o le faatinoina o le amiotonu.
O le isi lagolago malosi ia Bolsonaro o se faife’au faievagelia o Silas Malafaia ma o loo mata’itū foi e leoleo ma ua ave e le ‘ausu’esu’e lona tusifolau.
Puna o Faamatalaga: https://www.9news.com.au/world/brazil-argentina-president-jair-bolsonaro-javier-milei/f9edf684-8fa5-4e3b-891f-913f08e00094
