E maoa’e le aofa’i o le itupa o tama’ita’i ua faailoa o le a tausinio i le faigāpalota a Bougainville e faia i le vaiaso nei.
I faamatalaga mai le International Foundation for Electoral Systems ua ta’ua ai e silia ma le 238 afe tagata palota ua fuafua o le a faia a latou palota e faatū ai se Peresetene ma isi sui o le maota o sui a Bougainville.
E 14 tama’ita’i o loo tauva nei i nofoa e tolu ua faapitoa mo tama’ita’i ma le isi to’a 20 o loo tauva ma nofoa o itumalo.
O se tasi o faalapotopotoga o loo fesoasoani i le una’ia o tama’ita’i ina ia palota, o le Leitana Nehan Women’s Agency ma o loo faia a latou polokalame faalea’oa’oga e fesoasoani ai i sui tauva tama’ita’i i le sauni ai i le palota.
O le Aso Tofi o le vaiaso nei e faataunuu ai le palota mo Bougainville, o le motu tele i le Atu Solomona ae o se vaega foi o Papua Niu Kini.
Puna o Faamatalaga: https://www.rnz.co.nz/international/pacific-news/571672/bougainville-election-record-34-women-vie-for-parliamentary-seats
