O le vaalele a le Ea Fosi a Bangladesh i le laumua o le atunuu i Dhaka na lavea ma aafia atu ai se kolisi i le Aso Gafua, ma fasiotia ai tagata a itiiti mai pe to’a 27.
O lea faalavelave na tupu i Milestone School and college campus ma e 171 i latou na manunu’a ai.
O le to’atele o i latou ua manunu’a o tamaiti a’oga ma sa togafitia ai i falema’i lalata ane.
Fai mai le BBC o tamaiti sa feagai ma a’oga i le aso lea i le aoauli ae lavea loa se tasi nofoaga o le campus i le vaalele lea ona o se faaletonu i masini e fua i lipoti a le BSS News.
Ta’ua sa taumafai le pailate o le vaalele e seu ese le vaa mai nofoaga o loo to’atele ai tagata peita’i e le’i manuia.
O loo faaauau le su’esu’ega i lea faalavelave ae to’atele nisi na aga’i sa’o lava i le nofoaga o le faalavelave i le taimi na tupu ai.
Ua folafola ai foi e le malo se aso faanoanoa mo le atunuu e manatua ai soifua ua ma’umau.
Puna o Faamatalaga: https://edition.cnn.com/2025/07/21/asia/bangladesh-air-force-jet-dhaka-school-intl
