Ua faasee ese nei ma le tofi ta’ita’ifono o le Komiti Faatonu o le Faalapotopotoga o le Faaputugatupe o le Lumanai Manuia o Tagata le NPF, le susuga Papalii Panoa Tavita Moala, ae ua toe see ane le tofiga e tauave e le Ofisa Sili o le Matāgaluega o Tupe a le Malo.
Ua faamaonia mai e le Minisita o le faalapotopotoga le afioga Lautimuia Afoa Uelese Vaai le faamautū i se faai’uga a le Kapeneta i le vaiaso nei, o le faasee ese o Papalii ma le tulaga Ta’ita’ifono ae ua see ane e avea o se sui o le Komiti Faatonu.
Faaalia e le minisita ua mafua lea faai’uga ona o nisi o matāupu i le lotoifale o le faalapotopotoga o le faaputugatupe e pei o se matāupu faaletulafono ua tuua’ia ai le NPF i se tagi o se su a le kamupani o le Digicel.
O nisi o mafua’aga e pei ona faailoa e le minisita o faaseā mai nisi o le aufaigaluega o loo oo atu i le Kapeneta.
O Setema o le tausaga nei e mae’a ai le taimi galue faakonekarate o lē sa avea ma Ta’ita’ifono o le Komiti Faatonu o le NPF.
