O se tala fiafia mo Niu Sila, le faalauiloa mai o le avea ai o le tama’ita’i fatusolo iloga o le atunuu ae o le Pasefika, ia Selina Tusitala Marsh ma ulua’i fatusolo mo faatasiga tetele a Malo o Taupulega poo le vaega ua ta’ua o le Commonwealth Poet Laureate. 

O se matāti’a maoa’e lea ua ausia e se tasi ma o se mitamitaga tele o le avea ai o se alo o Samoa e amatalia lea vaega tāua i tulaga faavaomalo.

O se tala faasolopito foi lea mo Niu Sila, Samoa ae tainane o le Pasefika. 

Ta’ua i se faasalalauga i luga o upega tafa’ilagi mai le Iunivesite o Aukilani, na faamanino ai le avea o le tama’ita’i polofesa o Matāupu i le faaperetania Professor of English, o le a amata tau’aveina e le tama’ita’i ia Selina lona tofiga lenei se’ia pā’ia le aso 31 o Me o le tausaga 2027.

O le mitamitaga tele o le avea ai o se tagata mai Aotearoa ma ulua’i tagata e tau’aveina lea matātā talu ona faavae mai le li’o o Malo o le Taupulega i le 75 tausaga talu ai. 

Na ta’ua e le tama’ita’i fatusolo, lona faagaeetia i le amana’ia ai o ia i lenei vaega tāua.

Puna o Faamatalaga: https://www.auckland.ac.nz/en/news/2025/07/01/selina-tusitala-marsh-appointed-inaugural-commonwealth-poet-laur