O le afiafi ananafi i le atunuu o Solomona na tatala aloa’ia ai le fono lona 54 a ta’ita’i o Malo o le Pasefika, lea o loo avea ai ma sui o le malo o Samoa le Ofisa Sili o le Matāgaluega o le Va i Fafo ma Fefaataua’iga le afioga Peseta Noumea Simi ma le Komesina Maualuga o Samoa i le atunuu o Fiti le afioga Aliioaiga Feturi Elisaia.
O lipoti a le nusipepa o le Solomon Star o loo faailoa ai ata o le to’ai taunuu o sui o le Malo o Samoa mo lea fonotaga faatasi ai ma le taunuu o isi ta’ita’i o malo o le Pasefika.
O le afiafi o le Aso Sa na te’a nei na taunuu ai le usugafono a Samoa, a o le’i faia le sauniga i le afiafi o le Aso Gafua e tatala aloa’ia ai lea faatasiga faaletausaga a Palemia ma Pelesetene o malo o le Pasefika.
Ua lē auai le ta’ita’i o le Malo o Samoa ona ua silafia sa feagai lo tatou atunuu ma lana palota tele i le vaiaso na te’a nei.
