Ua tapena le afioaga o Sapapalii i lana taamilosaga lakapi ta’ito’afitu mo le tolu lenei o tausaga e pei ona faailoa e le Faatonu o lea taamilosaga le susuga Papalii John Taimalelagi Afele, o le tausaga nei ua faavaomalo le taamilosaga ona o le a auai ni ‘au mai Niu Sila, ma se ‘au mai Amerika Samoa.
O se taamilosaga na amata fuafua ona o le naunau o le faafeagaiga o le ekalesia EFKS i Sapapalii ia faatino tonu i le masina lenei o Aokuso ia fetaui ma le aso 24 o Aokuso e faia ai le lotu faamanatu o le tauanuu o le lotu i Sapapalii.
O le vaiaso na te’a nei na talimalo ai foi le afioaga i le tolauapiga a le tatou aulakapi o le Manu Samoa, lea o loo tapena i le taamilosaga o le Ipu o le Pasefika o le a muamua taaalo ai ma Fiti.
O le Faatonu o le taamilosaga lakapi ta’ito’afitu a le afioaga o Sapapalii susuga Papalii John Taimalelagi Afele.
