Ua talosagaina e malu o le malo tagatānuu o le faaitu o Whangarei mo ni faamatalaga e tusa ai ma se matāupu na aafia ai se tasi o tamaitai; ina ua ave faamalosi i fafo ma lana taavale e ni ‘aufaomea e faaaogā ai a’upega mata’utia. 

Ta’ua i lipoti, e to’alua ni alii na faia lea gaioiga faasolitulafono.

Ma i faamatalaga mai le Satini Sinia o se leoleo su’esu’e faapitoa o loo nafa ma lea matāupu ia Detective Senior Sargeant Michelle Harris, na faatopetope ona o ese nei alii ma le taavale a lē o loo aafia ma faaleagaina atu ai taavale e 4 a o taumafai e aga’i ese ma le nofoaga.

Ta’ua e le Satini Sinia, i fesoasoani a nisi o tagata lautele na maua ai e leoleo ia alii e lē mamao atu lava ma le nofoaga na faatino ai e i laua nei soligatulafono. 

Na saisai ma taofia e leoleo, ma taofia ai foi a’upega mata’utia na faaaogā e i laua. 

E ui o lea ua maua nei alii, ae o loo talosagaina e leoleo soo se tasi lava na molimauina gaioiga a i laua nei, ma tulaga o le faatino o le la soligatulafono, ma oo ai lava ina faatino tulaga taufaamata’u i si tamaitai o loo aafia i le matāupu. 

Na tula’i ia alii i luma o le Faamasinoga Faaitumalo o Whangarei ma ua molia i le faomea matuiā ma le loto e gaoia se meatotino.

Puna o Faamatalaga: https://www.rnz.co.nz/news/national/563199/woman-forced-out-of-car-by-armed-offenders-after-robbery-in-whangarei