Ua ave e le PSA, Public Service Association le Oranga Tamariki i le tulafono ona o lana vāea o loo fuafua. 

E silia ma le 400 avanoa faigaluega o lea o loo vaavaai le Oranga Tamariki e vāea, peitai fai mai le PSA o lea ua soli e le Oranga Tamariki maliega na faia e ala lea i le lē iai atoa o le Iuni i totonu o talanoaga o le vāea. 

Ua faaulu ai nei e le PSA le talosaga agai i le Employment Relations Authority ma faatalosagaina ai le taofia o fuafuaga o loo faia nei o le vāea ae se’i iloilo lelei maliega na sainia. 

O le talosaga ua faaulu e tai tutusa lelei ma le talosaga na finau ai le PSA mo le matagaluega o aoga, lea ua tali mai le tulafono ma talia ma ua taofia ai ae se’i toe feutaga’i le matagaluega ma le iuni. 

O le aso ananafi lea na faaulu ai e le PSA lana talosaga I le tulafono, ma ua faamaonia mai foi e le sooupu a le Oranga Tamariki o lea ua o latou silafiaina. 

Puna o Faamatalaga: http://PSA files to put hold on Oranga Tamariki job cuts (1news.co.nz)