O loo faaauau i le asō su’esu’ega a leoleo i le vevesi tele na tula’i mai i Sini i le aso ananafi fai mai na aofia ai se vaega tele o tagata aemaise o ni aiga.
O Parry Park i Lakemba sa faia ai taaloga ma faatumulia i tagata mo le maimoaina o taaloga OZtag faapea ma toleniga sa faia ai i le tuua o a’oga ae tupu ai loa se vevesi i le te’a laitiiti o le 6 i le afiafi.
Faailoa e leoleo e to’atele tagata na valaau atu mo se fesoasoani i le vevesi lea, fai mai molimau na vave tele ona faateteleina ae le o iloa tonu poo le ā le māfua’aga.
E molimau i latou na iai o le isi itu faanoanoa lea ona o le to’atele o tamaiti laiti sa iai i lea nofoaga na vaaia le fetagisi ma le lē mautonu ina ua tupu le vevesi.
Ua faailoa i lipoti a le 9News sa faailoa e nisi o leoleo mai lea faaitu, o se kulupu na fai fusuaga ma sosola ese ai a o le’i oo atu leoleo.
Puna o Faamatalaga: https://www.9news.com.au/national/sydney-news-families-caught-up-in-oztag-brawl-at-parry-park-in-lakemba/bf60f84e-ccad-428b-90e5-bf7d8ade0b2e
