O loo faia nei le galuega a leoleo o le tu’itu’i i faitoto’a o aiga e fai ai le latou su’esu’ega i se faalavelave na tula’i mai i le itu i Sisifo o Sini i Ausetalia i le faai’uga o le vaiaso.
Fai mai le 9News e to’atasi se alii ua maliu ai ma le isi o loo i le falema’i ae na tupu le faalavelave i fafo ane o se papu i Harold Park Hotel i Forest Lodge.
Na lipotia ane i leoleo na faalogoina ai le pā pā ane o fana.
Na taunuu atu leoleo ma iloa ai alii e to’alua ua faamanu’alia i manu’aga mai se fana, sa faatino e ni tagata ua sosola ese mai le nofoaga na tupu ai le faalavelave e faaaogā ai se taavale, e taunuu atu leoleo ua leai.
O faamatalaga a molimau e i le va o le 6-12 pā a le fana lea ma o loo iai faamaoniga o le faaaogāina o sea ‘au’upega i le nofoaga na tupu ai le faalavelave.
O loo faaauau le su’esu’ega i le taimi nei.
Puna o Faamatalaga: https://www.9news.com.au/national/forest-lodge-shooting-one-dead-after-double-shooting-outside-sydney-pub/e4927d9a-3324-4762-84cc-f7bccc2f1899
