Ua lipotia e telē se suiga o le a iai i le talosagaina o tusifolau o tagata Ausetalia.

Faailoa e le 9News o tagata malaga a Ausetalia e ono mafai ona talosaga e toe faafou o latou tusifolau e aunoa ma le tauave o o latou tusifolau i le Post Office poo le falemeli.

Faamaonia ane e se sui o le falemeli i le 9News o nisi ia o suiga o le a iai i le faatinoina o talosaga mo tusifolau.

Mo le taimi nei o le tagata matua e talosaga mo se tusifolau e mafai ona faatino i le falemeli peita’i la o lea ua faailoa mai e le matāgaluega o le va i fafo ma fefaataua’iga suiga o le a iai e faaaogā ai le digital option e pei ona ta’ua.

E mafai ona faafou tusifolau Ausetalia i luga o upega tafa’ilagi peita’i afai e talosaga mo se tusifolau fou e mana’omia lava ona faaulu le talosaga e ala i le aga’i o le tagata talosaga i le falemeli.

E lē o au’ili’ili mai i le lipoti le atoaga o suiga peita’i ua faamaonia o le a faamanino mai i se taimi e lē o toe mamao.

Puna o Faamatalaga: https://www.9news.com.au/national/passport-applications-fully-digital-option-coming-for-australian-travellers/b3564fcf–c54c-44c6-a899-81ef5a7b351d