O loo faaauau pea le sa’ilia e leoleo ma le ‘ausu’esu’e i Ausetalia o se alii faa’au’upegaina o loo masalomia i le tafanaina o ni leoleo se to’alua i se tasi o taulaga maotua i Ausetalia i le aso ananafi.
Fai mai lipoti e to’a 10 leoleo na tafana ane e le tagata lea a o aga’i atu i se nofoaga i le pitonuu o Porepunkah pe ā ma le 300km mai le itu i Mātū i Sasa’e o Melepone.
Na mafua ona afea e leoleo lea nofoaga mo le faataunuuina o se poloa’iga mai le faamasinoga e pu’e ai nisi i moliaga e feta’ua’ina e aofia ai soligatulafono matagā.
I le 24 itula mulimuli ane ua faailoa mai ai e leoleo o lē o loo masalomia e suafa ia Dezi Freeman 56 tausaga ma o loo tau sa’ilia pea.
E lē o faailoaina faalaua’itele i le taimi nei suafa o malu o le malo ua fasiotia ae ua lipotia e 59 ma le 36 tausaga le matutua.
O le isi leoleo na faamanu’alia ua mae’a lona ta’otoga ma o loo i le falema’i.
O loo galulue nei la leoleo e lē gata mai Melepone a o Niu Sa Uelese foi faatasi ma le ‘ausu’esu’e i le sa’iliga o lea tagata e masalomia o loo lafi i togāvao i lea faaitu e lata i le tuaoi o Niu Sa Uelese ma Vitoria.
Puna o Faamatalaga: https://www.bbc.com/news/articles/c4g6wlxd5kko
