E silia ma le 100 tagata Ausetalia ma o latou aiga na aveesea mai Tel Aviv i Isaraelu ma o le a feagai nei ma le lu’itau o le sa’iliga mai o ni faigamalaga e toe foi mai ai i fanua ina ua tulaueleele i le po anapo i Dubai.
Fai mai le 9News e talitonuina o le vaalele a le Puipuiga a Ausetalia na fesoasoani i le aveesea mai o i latou ia mai Isaraelu ma Sasae Tutotonu.
Saunoa Richard Marles o le Sui Palemia o Ausetalia, o loo galulue faatasi ma le Minisita o le Va i Fafo Penny Wong e faamautinoa o loo faataunuuina malaga ia mo le aveesea o tagata Ausetalia mai atunuu o loo iai taua ma vevesi.
O loo iai pea lava isi tagata Ausetalia i Sasae Tutotonu i le taimi nei ina ua faalēaogāina faigamalaga sa tuu e malaga ese mai ai i le aso ananafi ina ua pomu e Iran le airbase a Amerika i Qatar ma faalēaogāina ai malaga mai Doha.
Puna o Faamatalaga: https://www.9news.com.au/world/israel-iran-conflict-australians-evacuated-from-tel-aviv-israel-and-iran/b36d23e7-93eb-4204-b7d0-866a41faaa99
