Ua faameaalofa ane e Ausetalia ma Saina, taavale e faitau miliona le tau mo le Atu Solomona ae toe o ni nai vaiaso talimalo i le fonotaga a ta’ita’i o atumotu o le Pasefika le Pacific Island Forum e faia i Honiara.
Faailoa e le Palemia o le Atu Solomona, Jeremiah Manele ua ia mauaina taavale e 22 muamua o taavale e 61 foa’ia e Ausetalia aga’i i leoleo Solomona auā le puipuiga i le taimi o le fonotaga.
Ta’ua e le Palemia o le lagolago mai ia Ausetalia e atagia ai le agaga o le faaaloalo ma le fefaauoa’i i le va o Ausetalia ma le Atu Solomona.
Ua lipotia foi o le tau o taavale uma ia mai Ausetalia pe ā ma le $3.4 miliona tālā Amerika.
Ua faailoa e Manele e 27 foi taavale o SUVs na foa’iina atu e Saina e feavea’i ai foi malo o le fonotaga.
E 40 taavale sa ofoina atu e Saina mo le faamoemoe ma o le tau o lea foa’i a Saina pe ā ma le miliona tālā Amerika.
O le fonotaga lona 54 lea a ta’ita’i o le Pasefika ua fuafua e faataunuu mai le aso 8-12 o Setema, poo le masina fou.
Puna o Faamatalaga: https://www.rnz.co.nz/international/pacific-news/571332/australia-and-china-gift-vehicle-fleets-to-solomon-islands-ahead-of-pacifc-leaders-summit
