Ua faamatala e tagata mai Adelaide e tai pei o se pomu ua pā le taimi na lūlū ai se mafui’e i le amataga mai o le vaiaso.
Fai mai e faitau selau fale na faalogoina ai le lūlū a le mafui’e i Adelaide Hills ma vaega e lalata ane ae o loo faamauina e na o le 2.8 le malosi i le fua mafui’e.
Faamaonia ane foi e le Geoscience Australia e silia ma le afe tagata na o latou lipotia le faalogoina o le mafui’e ma fai a latou e malosi e ui e le’i umi se taimi na lūlū ai.
E lē o iai ni mea o faaleagaina ma e ui e le’i malosi tele ae ua toe manatua ai e nisi o tagata matutua le mafui’e tele i le 1954 i Ausetalia i Saute lava na faitau miliona tupe na alu ai i mea na faaleagaina ae e le’i aafia ai foi se soifua.
Puna o Faamatalaga: https://www.9news.com.au/national/adelaide-hills-earthquake/0a8de166-3301-4a91-90fc-1a4d56c97ff7
