Ua faamatuu mai e le Federal Government a Ausetalia se lapata’iga faavavave i tagata Ausetalia o loo fuafua e faimalaga atu i Nepal ina ua lipotia mai le tafanaina e leoleo a lea atunuu o tagata sa solo tetee faasaga i le malo ma a itiiti mai pe to’a 17 ua maliliu ai.
Fai mai le 9news o le au solo tetee sa faailoa lo latou tetee faasaga i le faatulafonoina o le social media ma lona faaaogāina, faata’ita’iga ua poloka ai nisi o auaunaga tetele e pei o le Facebook, X ma le Youtube.
Ua faailoa e le lipoti a itiiti mai pe to’a 145 tagata o loo manunu’a mai lea faalavelave.
Ua faailoa e le malo o Ausetalia e tauala i le upega tafa’ilagi a le Smartraveller e ao i tagata Ausetalia ona usita’ia ia lapata’iga mo le saogalemu.
Puna o Faamatalaga: https://www.9news.com.au/world/nepal-social-media-anti-government-protests-police-kill-at-least-17-travel-warning-updated/3d5bcc5b-c490-496c-834c-4b7c756ee1f8
