Ua faailoa e leoleo Ausetalia e lē tatau i auaunaga tau social media ona tāpā se faamaoniga o le matutua o ona sui auai pe a oo atu ia Tesema auā o le taimi lea e amata faamamalu ai le sā o le a faia i le atunuu atoa e faatatau i tamaiti e i lalo o le 16 tausaga le matutua e lē mafai ai ona toe faaaogāina le social media.
Ua mae’a faamatuu mai e le malo ta’iala e ao ona usita’ia i le faaaogāina o auaunaga e pei o le TikTok, Facebook, Snapchat, Reddit, X, ma le Instagram.
Ua faailoa e i latou o loo faagaioia lea sā ua mae’a ona tuuina faamaumauga aemaise o faiga tau tekonolosi e mafai ai ona iloa le tagata e i lalo ma le 16 tausaga le matua, e faaaogāina ia auaunaga.
O le matāupu lea na pasia e le Palemene i le tausaga na te’a nei ma tuu atu ai le tausaga atoa i auaunaga ia e faatino ai fetuuna’iga mo lea suiga fou ma e oo i le $50 miliona le faasalaga o le platform e solia le tulafono ua pasia nei.
O le aso 10 o Tesema e faamamalu aloa’ia ai lea sā i Ausetalia.
Puna o Faamatalaga: https://www.9news.com.au/national/australia-warns-social-media-platforms-against-age-verification-for-all-ahead-of-a-ban-on-children/a8e0edd8-f3a5-4d30-964b-59ae0472cb5a
