Ua fai le faiga faapaaga a le Amazon Australia faatasi ma le Afterpay, le auaunaga e fai ai faatau ae togitogi, ina ia mafai ona fesoasoani i le ‘aufaatau i le faaaogāina o upega tafa’ilagi aemaise o apps.
Faailoa e le faatonu o le Amazon i le 9News o lea faiga faapaaga o le a maua ai se isi auala e totogi ai faatau a tagata.
Fai mai a ia sa vaavaai lava i nisi auala e faaleleia atili ai le auaunaga mo paaga i Ausetalia ma o lea la ua maua le tali.
O se lipoti lata mai nei na faailoa ai o le ‘aufaatau talavou i Ausetalia ua amata ona liliu ese mai le faaaogāina o credit cards e totogi ai faatauga ae sa iai foi lu’itau sa feagai ma le auaunaga lea a le Afterpay ina ua faia mai iai nisi fetuuna’iga i le faatinoina o le latou auaunaga e le Australian Securities and Investment Commission poo le ASIC i lalo o le Credit Act.
E ui i lea ua faailoa le fiafia o le to’atele i le faiga faapaaga lea ma e lē taumate e to’atele o le a faaaogāina.
Puna o Faamatalaga: https://www.9news.com.au/national/amazon-australia-teams-up-with-buy-now-pay-later-service-afterpay/0b321b39-3986-4241-9e74-e751c6f20cf3
