Na pu’eina i le malaevaalele i Sini Ausetalia i le taeao analeila, se alii i le mae’a ona faalogoina o le pā ane o se fana mai totonu o le terminal.
O leoleo a Ausetalia na aga’i ane ma faatino le su’esu’ega i le taeao analeila ma o ata mai se video a le leitio o le 2GB ua iloa atu ai le pu’eina e leoleo o le tagata e pei ona ta’ua mai le vaega o le food court a le domestic terminal.
Faamaonia la e leoleo e moni sa iai le tagata lea na pu’eina mai le malaevaalele ma ua ave e leoleo mo su’esu’ega.
E iai molimau sa faalogoina le pā ane o se fana mai totonu o le terminal e talitonuina o le fana a leoleo.
E le’i iai se tasi na aafia ae o loo faagasolo le su’esu’ega ma e lē o iai foi se faamata’u i le soifua o tagata lautele.
Puna o Faamatalaga: https://www.9news.com.au/national/police-operation-at-sydney-airport-man-arrested/373e6fba-44c9-4bc7-8f37-71534e3e304f
