E silia ma le 130 sui o le vaega o puipuiga poo le vaega’au a Niu Sila nei ua agai atu e auai i se polokalame fa’alea’oa’oga i le atu Asia poo le Southeast Asia.
O lea polokalame ua faaigoaina o le Exercise Bersama Lima 25, o se polokalame tu’ufa’atasi tau militeri e pei ona iai i lalo o se maliega i ua ta’ua o le Five Power Defence Arrangements (FPDA)
O se polokalame ua leva ona faataatia mai ma faatautaia i le va o atunuu e lima; e aofia ai Ausetalia, Meleisia, Singapore, Malo tele o Peretania, ma Niu Sila nei.
E tusa ai ma nei polokalame faalea’oa’oga- o loo aofia ai galuega tau i puipuiga i luga o le intaneti- cyber defence, o vaega e fesoasoani atu i aafiaga tagata soifua humanitarian aid, o gaioiga e tali atu ai i faalavelave faafuasei – disaster relief, ma nisi o vaega tau i aafia i vaamoulu- anti-submarine warfare.
O nisi o aseta ma tomai faapitoa o loo faaaogaina e mai le Royal New Zealand Navy’s HMNZS Aotearoa,o le vaega ua ta’ua o le UK’s Carrier Strike Group,ma le Australian F-35A fighter jets.
Ta’ua e le Lutena Kolone poo le Lieutenant Colonel, Matthew Singleton, o lē o loo ta’ita’ia le aumalaga mai Niu Sila le tāua tele o lenei polokalame, aemaise o le galulue faatasi o sui auai mo le tele o faafitauli e ono alia’e; e lē gata i lea a ia maua le fetalitonua’i o atunuu nei e lima i taimi e faatino ai galuega.
Puna o Faamatalaga: https://nzdf.mil.nz/media-centre/news/new-zealand-among-five-nations-uniting-for-exercise-bersama-lima/
