E to’atele tagatānuu Niu Sila ua faaalia atugaluga i se faaletonu a le ofisa o Femalaga’iga a Niu Sila, Immigration New Zealand (INZ), e ala i so latou itulau i luga o upega tafa’ilagi mo le faatino ai o se Se’i mo tuaa ua faamanuiaina ma ua mafai ona fai visa nofomau.
O le faaletonu o le oo atu o faamatalaga tusitusia i aiga e faailoa atu le faamanuiaina o talosaga poo le vaega ua ta’ua o le Expression of Interest (EOI) mo nai tuaa peita’i e sesē lea tulaga.
Ua to’aele aiga ua manatu ua maua lo latou avanoa i le Se’i, peita’i ane, na māua i faamatalaga o se faaletonu i le polokalame o loo faatino ai le se’i na mafua ai le oo atu o faamatalaga tusitusi i aiga, ae e lē o sa’o lea tulaga.
O nisi o aiga na faaalia lo latou faanoanoa tele i lenei mataupu, ona ua faasesēina i latou ma o se tulaga ua matua’i lē talia lava e i latou; talu ai ua leva ona taumafai mo se avanoa e maua ni visa nofomau a nai o latou mātua.
O aiga o loo aafia i lenei mataupu o nisi mai Aferika i Saute ma Vietnam.
Ua faaopopoopo tigā i le faaletonu.
Faaalia foi le lē sa’o ma le lē lelei o le faatino ai o le Se’i ona o le tele o tupe faaalu i le faatinoga o talosaga; e pei ona faamauina, e $450 e totogi mo se avanoa i le Se’i, ma toe talosaga i le 2 tausaga pe a lē manuia, ae o le tau o le talosaga mo le visa pe a manuia e silia ma le $5000 faaopoopo iai ma nisi o tau mo le auaunaga.
Māua foi e na o le 2500 avanoa ma o ē na maua avanoa i le Se’i i le 2021 o loo faamauina le tēlē o le avanoa nai lo o i latou faato’ā avatu talosaga.
Ona o nei feseesea’iga ma tulaga faaletonu, ua faailo ai nei e sui o loo tutū mo nai aiga o loo aafia, le faia ai o sa latou talosaga ina ia taga’i loa le ofisa ina ia toe iloilo faiga faavae ma ta’iala i le faatautaia ai o lenei Se’i ua talosagaina le taofia loa le faia o le Se’i ae faatulaga le faia o kiu, poo le structured queue system.
Atonu e talafeagai mo tagata uma o loo talosaga.
Puna o Faamatalaga: https://www.rnz.co.nz/news/national/562893/emotional-immigration-wait-after-ballot-draw-error-in-a-system-with-no-queue
