Ua lipotia i le leitio faavaomalo a Niu Sila i le asō le tuua’ia o le ofisa o le malo o Saina i le Atu Solomona ona ua feta’ua’ina lo latou faamalosia o se minisita fou i le atumotu o le Pasefika ina ia aga’i ese ma se kulupu faavaomalo.

Ua faailoa e le minisita o loo aofia o Daniel Waneoroa ua ia aga’i ese nei ma le Inter Parliamentary Alliance.

Ua lipotia e lē o iai se faamatalaga mautū a le ofisa lea o Saina i le matāupu peita’i i sa latou faamatalaga ua ta’ua ai e lē faavaea ia tuua’iga ua faia faasaga ia i latou.

Na ta’ua i lipoti a le ABC na lē fiafia Saina i le tofiga lea o le minisita fou i le faalapotopotoga e pei ona ta’ua ma ua faaleo ai le lē fiafia o isi foi faalapotopotga e pei o le Transparency Solomon Islands ua faamalosia ai le taofia o le aiā a le ofisa lea o Saina i matāupu tau polokiki faalotoifale.

Puna o Faamatalaga: https://www.rnz.co.nz/international/pacific-news/560773/china-accused-of-foreign-interference-in-solomon-islands-after-minister-quits-international-group