Ua faamaonia mai e le matāgaluega o le va i fafo a le Atu Solomona e to’alima o latou tagata ua faamae’a a latou a’oa’oga i matāupu tau faato’aga i Isaraelu, o loo saogalemu uma ae ua lē mafai ona toe foi mai i le atunuu i le taimi nei ona o vevesi i le va o Isaraelu ma Iran.

O se pepa o faamatalaga na faailoa ane ai e le matāgaluega i le ‘aufaasalalau o loo iai le ofisa o le Atu Solomona i Abu Dhabi i le United Arab Emirates ma o loo latou mata’itūina ma le toto’a le matāupu lea ma fesoota’i foi i tamaiti a’oga ia e pei ona ta’ua.

Faailoa e le amepasa o le Atu Solomona i le RNZ o le saogalemu o ona sitiseni i Isaraelu aemaise lava tamaiti a’oga, o loo ave iai le faamuamua aemaise lava i le tulaga o loo iai lea faaitu o le lalolagi i le taimi nei.

Puna o Faamatalaga: https://www.rnz.co.nz/international/pacific-news/564460/solomon-islanders-safe-but-unable-to-leave-israel