O se kulupu o loo finau mo aiā tatau a tamaiti ua o latou finau nei mo le siitia o le tausaga e mafai ai ona faaipoipo mai le 15 tausaga i le 18 i le Atu Solomona.
O le sui o le Save the Children, Ellen Kahui na ia faailoa i le Pacific Waves le latou proposal ua tuuina i le malo mo le siitia o le tausaga faatulafonoina e mafai ai ona faaipoipo se talavou.
O le taimi nei i le Atu Solomona e mafai ona faaipoipo se talavou e na o le 15 tausaga pe a malilie iai mātua ae o lalo o tulafono lava ia faaleaganuu, customary law e lē o iai se tausaga aupito maualalo e mafai ai ona faaipoipo se tagata.
Fai mai le Save the Children o le siitia o le tausaga e faaipoipo ai e tāua tele mo le puipuiga o le fanau ma e ui e iai le maliega a mātua i le tulaga e pei ona faataga ai le 15 tausaga, peita’i e ono iai aafiaga i le tulaga o le talavou o loo aofia, o aafiaga faalemafaufau aemaise foi o le faalauteleina o le avanoa mo a‘oa’oga.
O kulupu la e pei o le Save the Children, World Vision ma le ChildFund ua leva ona finau mo le sitiia i le 18 o le tausaga e faaipoipo ai i le Atu Solomona.
Puna o Faamatalaga: https://www.rnz.co.nz/international/pacific-news/570476/solomon-islands-marriage-age-is-a-children-s-rights-issue-save-the-children
