O le vaiaso nei ua folafola ai e le Palemia o Niu Sila o Christopher Luxon, le asiasi mai o le Palemia o le Atu Solomona o Jeremiah Manele i Aotearoa.
Na ta’ua e le Palemia o Niu Sila o Manele o se paaga tāua a Niu Sila ma o se avanoa tāua foi e faalogologo ai i fuafuaga a lea atunuu i le sauni ai e talimalo i le fonotaga a ta’ita’i o le Pasefika le Pacific Island Forum Leaders e faia ia Setema.
Fai mai o le a feiloa’i ai foi Manele ma le Minisita o le Va i Fafo a Niu Sila o Winston Peters faapea le Minisita o Faigāfaiva o Shane Jones.
E silia ma le afe tagata mai Solomona o loo aumau i Niu Sila ae o le 2024 na faatauto ai Manele e avea ma Palemia i le mae’a o le faamavaega a Manasseh Sogavare.
Puna o Faamatalaga: https://www.rnz.co.nz/international/pacific-news/568287/solomon-islands-pm-manele-visiting-new-zealand-this-week
