E finagalo le Peresetene o le Atu Malasala o Hilda Heine e mafatia ai le itulagi o le Pasefika i le faasā o nisi o ana paaga mai le auai ai i le fonotaga a le Pacific Island Forum i le masina fou i Honiara.
Lipotia e le RNZ na saunoa sa’o lava le Peresetene i le alii Palemia o le Atu Solomona o Jeremiah Manele.
O loo finau ane la le tama’ita’i Peresetene e tatau ona toe silasila le Forum i le faai’uga o le matāupu lea ma silasila i se isi gaioiga talafeagai ina ia faasao lava le tulaga o le galulue faatasi ma ia faatumauina pea le tulaga masani o le Forum e faifaimea faatasi ma ana paaga.
O loo tetee Manele i nisi tuua’iga faapea ua malosi tele ane le una’i a Saina i le Atu Solomona ina ia taofia le auai o Taiwan i le fonotaga.
O le Atu Malasala le isi paaga vavalalata a Taiwan faatasi ai ma Tuvalu ma Palau.
E iai atumotu o le Pasefika ua faailoa ane o le a lē auai i le fonotaga i le masina fou ona o le lē fiafia i le faai’uga ua faia e le to’atele o sui auai e faasā ai paaga ona auai i le fonotaga i Honiara.
Puna o Faamatalaga: https://www.rnz.co.nz/international/pacific-news/570741/marhsall-islands-president-it-s-wrong-to-ban-partners-from-pacific-islands-forum-talks
